صحيفة نبض الشعب الاسبوعيه رئيس التحرير جعفر الخابوري

#بارقة_امل

(حكاية متجددة)

فى يوم من الاحلام
والدنيا كانت نو
والناس ورا الايام
تغزل خيوط الضو
كان العشم واقف
تحت المطيرة الشو
و الحلة .. محنانة
ما عارفا شن بتسو
***
كل الحكاوي هناك
كاسيها سمر الليل
أو لون بيوت الطين
الماب تخاف السيل
أو ضحكة الشقيان
وكتين يغلبو الشيل
حتى الغناوي هناك
دايرالا جمة حيل
**
روعة حكاياتنا
والقمرة يادوبا
مرسولة فى حجوات
شايلاها حبوبة
داساها فى روحها
وصاراها فى توبة
وداخراها للاجيال
باكر يغنوبا
***
حاضرنا ما غايب
وأحلامنا ماغابت
والباكر المأمول
فى ضحكة إنسابت
قدامنا باقى طريق
والغيمة لوصابت
نملا البوادي غنا
وتبقه النفوس طابت

(اللهم نصرك وأمانك )

خالد شقوري